生活記事4-往事只敢回味...
我今日唔知發咩神經攞晒啲小學嘅自己嘅作品出嚟睇....好恐怖。
作品簡介:由藍冰晶(筆名)於就讀小學時創作，合共超過10本，內容主要以繪圖和生活記事為主。
果然黑歷史係好恐怖的。
喺呢個時候，我終於明白我小學老師嘅辛苦，終於明白睇我呢啲簿嘅人嘅辛苦。不過吐槽還吐槽，有啲嘢確實係好中point嘅。
其實呈分試啲分乘九倍，唔係為咗拖低你哋分，而係為咗易分辨呀!你乘啲九倍，人哋啲分一樣係乘9倍，咪一樣!你乘九倍又唔會由比人多分變成比人少分嘅....
作品中都不乏呢啲中point文。
然後我哋嚟傾吓畫畫嘅問題。
雖然有時作品中都會出現一啲唔錯嘅畫，例如我之前畫咗隻路姆西，確實係幾靚。但係，咁都不足以掩飾我畫嘅嘢嘅問題－
- 個頭太大。
- 頭型根本唔科學。
- 骨架...唔想講。
- 耳仔畫得太高。
跟住落嚟就係一連串嘅正嘢XD
 |
腦洞好大，不過我鍾意。
|
 |
我哋小學真係有個咁嘅音樂老師....小學同學唔好供我出嚟
|
 |
事緣1月1號有一堆人喺FB講新年快樂...呢幅圖令到我喺琴日笑到成個智障咁樣，欲罷不能...我相信如果我喺巴士笑成咁人哋會當我係痴漢。
|
不過老實講，見到自己充滿童真嘅筆觸，當年嘅創作力，唔開心就呃你嘅。喺簿中同同學們嘅互動亦都係十分歡樂。
我點一首友共情，送畀所有學生聽，順便自己聽埋，呵呵
留言
發佈留言