生活記事2-學校旅行

喺開始正文之前先道個歉，因為近來開電腦呢個動作變得越來越複雜，加上近來一直都冇啲值得一寫嘅題材，所以所以我一直都冇寫文。

喺前日(2015-11-26),學校搞咗一年一度嘅學校旅行。我哋去咗大浪灣燒嘢食，當然喺燒嘢食之前係經過一連串嘅狗血分錢。去到大浪灣第一件事就係令對鞋入晒沙，甚美哉。

喺我蹣跚前進嘅時候，有幾個人已經換好拖鞋飛奔去燒烤場，我就只能夠埋怨自己冇帶拖鞋。

對於本來諗住霸靚爐嘅我嚟講真係so sad.

然後堆碳層就唔講喇，說多了都是淚。不過全部火源竟然都冇晒，結果....

   講返先，我自己都覺得自己當時嘅心態係最少少咗我實際年齡兩歲，什麼冷靜啊守望相助啊都拋諸腦後，狗沒拉賽。(想當然耳，我哋剩咗超多碳。)

喺勁頹咁燒咗少少嘢之後就去咗沙灘玩，老實講，去旅行就係為咗呢個。

加上我哋喺沙灘度玩國王遊戲。

雖然命令都不外乎係咩野三號洗牌呀飛鞋呀什麼，不過都真係勁好玩。

稍後我同一基友去咗一個沙灘附近甚為蔭涼嘅道路休息(+唱shall we talk),然後就班會活動，執嘢走人，完。雖然冇想像中咁好玩，不過都不失為一個好活動。

最後以自己作嘅一對對偶句結束文章。

海風颯颯吹清新而不冽

大浪汩汩捲壯麗且未絕

對了，這對偶句其實是暗器!功課。